Low B Annie's Blog: 2014

2014年6月29日星期日

結婚の問題名單 (Review)

仲有60日... 我既問題名單似乎進步咗唔少~

1) 請帖 (90%完成)
2) Boarding Pass (100%完成)
3) 餅卡 (美心舊款) (100%完成)
4) 名單 (40%完成)
5) MC (100%完成)
6) 聖堂司琴 (100%完成)
7) 聖堂歌詠團 (仲未搵到)
8) 聖堂領經 (仲未搵到)
9) 褂鞋 (100%完成)
8) 新郎服飾 (仲未開工)
9) 入門酒店 (100%完成)
10) 親友交通安排 (70%完成)
11) 酒席場地設計及佈置 (進行中)
12) 席前小食 (100%完成)
13) Candy Corner (放棄)
14) 接新娘遊戲用具 (60%完成)

正式進入直路!!!

A n I Pre-Wedding Photo

其實... 我一直都好堅持婚照要大日子當日先公諸於世...

所以, 無論之前係韓國, 定係台北... 一張都無公開過~

尋日收到攝影公司香港既相版...

雖然我D條粗手臂同肥腰仲未執走, 但我都覺得好正...

忍唔住要將兩張未執但又唔算太肥既相同大家分享下~

今次幫我地影既係一間韓國公司, 用既當然係韓國既攝影師...

無錯... 就係我之前係韓國影既公司...

呢間公司可以令我幫襯佢兩次...

原因好簡單... 服務好, 態度好, 效果好, 價錢好!!!!

睇相!!

公司: ZTAGEWedding (自己上網搵佢資料啦... 記住話係Annie n Ivan介紹呀!!)

2014年6月15日星期日

銀灘

係時候要介紹一下我擺酒既地方... 銀灘!!

銀灘位於珀麗灣... 交通都算OK啦... 最麻煩係唔可以自己揸車入去~

不過, 我好鍾意佢有out door位, 而且入夜又有青馬大橋view... 比起我之前想揀既淺水灣酒店好好多... 淺水灣一入夜就黑馬馬無野睇, 條馬路一塞車就真係要識飛先有用...

所以... 我同薛公子一致選擇"銀灘"~

仲有仲有... 我真係好希望每一位出席既親朋戚友都會對我地個婚禮好難忘, 所以... 我會安排設計好多別具一面既野... 唔會要佢地白白入黎食餐飯講句恭喜就bye bye~

半島酒店

原本... 係諗住係近聖堂附近BOOK間酒店套房做入門, 我就係元朗出門~

點知... 比較見得人又位置好既Crowne Plaza, 一間套房一晚要收我$6000... 得800幾尺... 包個早餐咁大把... 唔係掛, 我加多少少交到一個月屋租啦!!

有時有D野明明一早諗好哂... 但到最後都會搞唔成... 好煩~

點知... 早兩日係facebook見到我最愛既半島酒店出anniversary package... 閃閃眼呀!!

Suite rate at HKD 5,088* for a night in Superior Suites
One-way limousine chauffeur service to the Hotel
Daily Traditional Peninsula Breakfast at The Lobby or Breakfast Buffet at The Verandah for up to two persons
A Peninsula Anniversary cake (Chocolate Mousse or Fresh Fruit Cream)
5-course Degustation dinner Menu at Gaddi's for two per stay
Other complimentary benefits include: In-room wireless Internet access, long-distance (VOIP) and local calls, HD movies, and use of the fitness centre and swimming pool.

平時... BOOK一間套房都要$7880++啦... 呢個package$5088咋, 仲要包咗tax... 仲要包Gaddi's既dinner set... 仲要包早餐... 仲要包limousine... 仲要有900幾尺大...

我個腦即刻立即諗到... 早一日去酒店, check-in之後就去游個靚水, 之後就hea下做下GYM, 食個超正dinner, 滿足下自己一世人要最少要住一次半島既目標, 瞓醒去食個豐富早餐先化妝...

嘩... 用咁既心情去迎接自己既大事... 真係好正!!

而且, 屋企人, 兄弟姊妹又容易去... 間套房又夠大... 玩完又唔洗執屋...

我係天主教徒... 出門入門都係儀式, 家長都唔係太要求跟傳統...

問題只係酒店包果程limousine... 如果可以比我酒店去跑馬地, 咁就100%完美啦!!

我既問題名單上, 又KO咗一件事啦... YEAH!!!

感恩!!

遊記 - 點解我會去十次... 吉隆坡 -> 香港 (Day 10 Bye Bye Malaysia)

終於... 都到咗最唔想既最後一日啦...

Review下間酒店先...

Vivatel Hotel係一間以五行做主題既酒店... 而我地住果間就係"火"... 一間有特色而且新既酒店~

我... 真係為咗瞓覺咩都得既人... 尋晚咁夜先瞓, 而且仲要係假期既last night... 唔瞓返夠本點對得住自己!!

所以... 薛公子就算軟硬兼施, 我都係無起身同佢食早餐既... 佢自己就傻下傻下英文都唔識多隻咁去食早餐!!

睇相... 環境都幾唔錯, 不過服務就差到爆... 如果我係現場, 我一定唔會放過佢地~

薛公子去到餐廳, 自然反應就係影下相, 睇下有咩食... 點知果度既staff唔比影相, 仲要態度惡劣... 大佬呀... 薛公子雖然唔鍾意坐飛機啫... 但唔代表無去過旅行, 無見過世面... 邊有酒店咁蠢唔比人影相架?? 人地去旅行玩得開心, 住得舒適就會介紹比朋友架啦, 你咁既態度, 酒店幾大幾人特色都要OUT啦!!

薛公子真係睬你都傻, 你有你黑面阻止, 佢有佢影... 最後評論: 唔好食!!