其實自己一直都好想寫返Blog... 但就唔知從何入手... Yahoo!個Blog又摺埋咗...
好... 就借自己既大日子開始返啦!!
人生大事... 能夠好好紀念及陪伴既, 非戒子莫屬!!
我... 係一個超級麻煩既人, 好多野都唔鍾意同人撞...
戒子... 好多人會買周生生, 周大福, Tiffany, Cartier...
即係買邊隻款都會同識或者唔識既人撞都七彩...
自己又無咁既才能去design...
所以, 我一見到Belgium Diamond就決定一定要買佢既戒子~
一上網睇款, 就睇中呢個款...
Belgium Diamond大部分既對戒款, 男女既都係唔同款... 淨係呢樣野, 已經令我好喜歡~
因為男仔緊係想帶D簡單D既款... 但女仔又會想帶D特別D既款...
而我睇中呢個款, 係覺得個款特別, 又高貴, 男女款雖然唔同, 但一睇就知道係一對... 而且而且, 有十字架呀!! 我自己係天主教徒... 係自己一生一世既戒子上面有十字架, 真係別具意義!!
到我同薛公子去現埸睇實物時... 天呀!! 呢間野既戒子真係堅靚... 除咗我睇中既Carissimi款外, 其他款都好鍾意!!
不過最後, 我哋都係要Carissimi... 因為佢唔係個個款都有十字架!!
Belgium Diamond既對戒係即買即做, 無論顏色... size... 都係度身訂做, 真係百分百既全新, 唔同出面做好哂一大堆比你試, 試啱就買... 之前都唔知有n個人試過~
不過, 要預早少少買... 一般要三個月先做好, 人手做架!!
至於顏色, 可以做銀色, 金色 or 玫瑰金色... 由於我哋皮膚比較白, 所以就揀玫瑰金色~
由於懶... 所以就咁用電話影就算^^
刻字方面... 好多字體比我揀, 而且可以中英一齊刻... 筆劃多都無問題~
收到之後... 我只可以講"好鍾意呀!!"
呢間D求婚戒子都好靚架~
