FnB... 兩歲啦~

兩年前既我地... 膽生毛咁開咗間餐廳~

當中既辛酸... 真係有苦自己知...

亦都睇到好多人情冷暖...

朋友... 真係當你有難時伸出援手, 定踩多你一腳, 真係一眼睇哂~

我地咁努力, 不惜一切保住呢間餐廳...

除咗係好老土咁證明比睇唔起我地既人, 我地係得既...

仲要, 比更多既人食到我地用心做出黎既Food n Beverage...

更要, 為支持我地既屋企人, 朋友及客人繼續努力!!!

為咗慶祝呢件對我地黎講有血有汗既努力... 由22/4/2014-21/5/2014, 只要晚市黎order任何食物, 每兩位客人要送一支Rekorderlig梨味既蘋果酒(600ml)

數量有限, 不過我地都預咗好多存貨既~

十下十下... 十全十美之旅... 開始!!!

好耐好耐無放長假啦~

雖然... 飛得好唔安心, 公司全部都係新人...

唔理啦... 有事就搵我啦~

我點都要飛架啦!!

聖瑪加利大堂

仲有唔夠5個月... 我同薛公子就會係度行禮啦~

我要著一條超長拖尾既LACE婚紗, 行入呢個聖堂!!

AMEN!!

麻雀... 真係能醫百病架!!

自問係睡公主... 同周公friend到打哂交既我...

由阿姐正式叫我留低接受新挑戰起... 無覺好瞓過...

我真係好放唔低我既戰友... 288天既奮鬥... 一下要分開... 我接受唔到...

我唔知我既決定啱唔啱... 但我知道我唔留低, 將來一定會後悔...

我... 從來都唔會做一個自己會後悔既決定...

寧願被誤會, 我都會堅決自己!!

我以為要等到自己過幾日去旅行先可以調整到心情...

點知... 麻雀KO咗我...

我成晚完全將專注力放係我D麻雀身上...

仲有得嬴錢....$$$

打完通宵... 返到屋企攰到涼都唔沖即瞓!!

我好返啦... 第時如果失戀, 應該呢個方法幫到我 XD

而家就用我正常既心情... 去迎接我既十下十下, 十全十美既馬來西亞之旅!!!

Job Times File... SGRO --> AEO...

今日開始... 正式由二奶變大婆~

大婆呢個位... 好耐好耐之前已經提及過...

過程... 一直都好感恩

好幸運... 自己既人生一直都有"貴人"相助

唔平坦... 但總算去到目的地

開心...

自己最終無被公司遺棄...

我承認... 我人工太高... 但我能力唔低...

感激公司最終願意冒險, 用超唔合理既價錢去請一個係物業管理"0"經驗既人...

我會... 我一定會比心機做好呢個位...

唔開心...

人大咗... 唔想改變... 唔敢挑戰新環境...

環境依舊... 但人就面目全非... 矛盾!!

呢個office... 只淨下工作... 以往既快樂... 已成過去...

感覺好似失戀咁...

需要夢想... 需要方向... 需要眼淚...

我要時間去平衡自己既心情...

因為我係天蠍座!!