有理無你... 今日要食個靚早餐~
Hotel Inari既早餐, 唔係訂隻隻房都有包... 我知道如果係訂雙人房就會包, 而我地呢隻Apartment就唔包, 想食既就另計6.5EUR一位... 其實唔貴~
其實我都好似未試過天黑食早餐, 呢段期間要成10am先開始見光...
種類唔算多... 不過有驚喜, 就係食物非常新鮮, 而且樣樣都好食... 尤其係煙三文魚, 我地真係食到回本... 未食完呢餐, 我地已經決定第日要再返黎食早餐~
係Inari... 除咗睇極光... 就真係無野好做... 當然, 你可以繼續參加Local Tour玩雪上電單車等等... 不過收費非常貴, 對於我呢次"窮遊"並不適合~
天光啦!! 係無任何計劃安排之下, 我地決定周圍行, 體驗下當地人既生活!!
山長水遠黎到呢個成地雪既地方... 當然要好傻地同雪雪玩遊戲啦... 失禮講句, 我自2歲爹D媽咪帶過我去北京玩雪後, 已經再無接觸過真雪啦... 而薛公子就更加係第一次!!
哈哈... 真係好彩唔係旺季, 遊客唔多之餘... 仲要當地人都唔多... 成個雪地我地玩哂!!
仲無意中比我地發現有遊樂場... 係香港... 唔會玩得咁放囉, 仲要玩得好放心, 跌落地都唔怕痛~
 |
| 其實我都有小小驚, 薛公子都好驚我中途會鬆手跌落地, 所以就好白痴咁追住我~ |
玩完一輪, 我地就開始環遊Inair...
係supermarket隔離, 有一間手信店, 我地就係果度買咗第一批Postcard~
沿途比我地見到有另一間supermarket... 比近hotel果間乾淨, 而且感覺平D...
順便感受一下零下食雪糕既感覺~
一路行... 見到好多唔同既餐廳, 不過好似無開門, 所以就無入去~
直到去到油站, 有間快餐店... 幾多人食, 就入咗去食lunch~
外國人既份量都真係幾驚人... 我見D人一個人食一個大pizza... 而我地4個人都食唔哂~
原來呢度既汽水係好貴架... 細細杯都要1EUR杯... 搞到我唔敢買太多~
食飽就繼續周圍行, 周圍影相~
其實個湖都唔係完全結哂冰... 連hotel既staffs都提我地千萬唔好落湖, 天氣未夠凍~
呢位先生試完無爆冰就走返上岸啦~
開始天黑啦... 我地都行咗幾遠, 要開始回程啦~
 |
有一樣野真係特別一提... 就係呢日我帶眼鏡... 原來果度都幾大風, 唔帶眼鏡真係眼水不停流, 所以之後既日子, 我都係帶返眼鏡~
