遊記 - 點解我會去十次... 前言

哈哈... 我今次真係第十次去沙巴KK架啦~

之前沙巴有綁架, 好多人聽到我話去沙巴都嚇一跳...

再加上MH370事件... 唔通我膽生毛?

其實, 大家可以放心, 我好安全, 而且... 真係好安全~

首先... 沙巴其實係馬來西亞第二個大州, 入面分咁好多個唔同既地方~

綁架發生既地點, 係沙巴既東部... 比較近菲律賓.
東部既係一個潛水勝地, 但一般既遊客係唔會去呢個地方~

我去咗十次既地方, 係沙巴既首府哥打京那巴魯(Kota Kinabalu), 俗稱亞庇, 位於沙巴既西部~
亞庇市係大馬最重要既商業中心之一, 亦都係遊客經常去既地方~

一個東一個西, 淨係搭車最少都要8個鐘...

 

所以... 去沙巴亞庇其實好安全...

而且... 成個行程我都係由一間信譽良好, 有責任同合法經營手法既旅行社幫我安排, 所以好放心~

P.S. 亞庇原來有好多無牌既"旅行社"及"導遊"用好低既價錢去吸客... 咁平就緊係因為無買保險, 而且質素又無保證啦... 真係唔好貪果小小錢搞到自己唔開心呀!!