遊記 - 點解我會去十次... 沙巴亞庇 (Day 3 - Mantanani Bay 美人魚島)

好多人頭頭去沙巴, 都會出去"雙島遊"享受陽光與海灘... 但近幾年, 其實已經無我第一次(N年前...)咁靚... 

所以, 要同陽光玩遊戲... 我會去美人魚島~

遠... 就係遠咗D... 從市區出發... 要坐兩個鐘頭車, 再轉搭最少45mins既船... 有時如果風浪大, 真係搭足一粒鐘架!!

不過... 咁遠離市區既島... 真係遠離污染... 遠離城市... 

賣下廣告先: 完美假期... 就係今次幫我plan行程既旅行社... 要坐咁耐車, 無架乾淨又夠冷氣既旅遊巴點得架~

由於我由Rasa Ria出發... 車程只係一個鐘頭多少少... 就到達碼頭啦~

唔係每間旅行社都安排大船去美人魚島架... 我既薛公子不能上天下海... 去澳門搭程船都會面青青... 一定一定要坐大船... 如果唔係, 去到掛住暈, 唔駛同陽光玩遊戲啦~

出發... 向美人魚島進發!!

 好好彩... 今次無乜風浪... 45mins段就見到目的地~

其實都真係幾熱架... 

呢度沖身既地方好大... 唔怕多人有排等~

好辛苦咁叫到薛公子出去玩浮潛...

唉... 其實我係玩開潛水架... 仲特登去考牌... 而家為咗照顧佢... 就浮下啦~

浮完返黎... 我成個人散哂... 薛大叔完全游唔到水... 我全程負責推佢... 攰過擔泥...!!!

玩完浮潛, 返黎開飯~

講真... join咗呢度兩個既local tour... 膳食方面真係幾唔錯... 以前... 我試過唔因為D野太差, 自己去買杯麵食~

食飽飽... 其他人就再出海浮潛or潛水... 我地... 就留係度飲啤酒~