遊記 - 點解我會去十次... 沙巴亞庇 (Day 1 - Grandis Hotels & Resorts)

出發出發!!

 

終於等到呢日啦~

 

每一次, 去旅行我地都會好好運用我地係信用卡會員既優惠, 免費食早餐@ Travelers' Lounge~

 

去咗咁多年... 一次比一次...

 

人多就不再話下啦... 我都會明白而家既人, 越黎越識享受及享用自己擁有既福利...

 

以前入到lounge... 大把位坐, 慢慢食, 慢慢飲, 舒舒服服等上機...

 

而家... 位都無得坐, 慘到要喉實邊度會有枱既位, 就算比你喉到... 又要等人幫你執返上一手用既既餐具你先有位放自己既食物~

 

食物方面... 其實一直都差唔多, 鬼叫自己貪唔駛錢咩~

 

 

唉... 終有一次, 我會放棄呢個lounge... 唔再比D信用卡sell到~

 

去亞庇(KK)... 我多數坐AirAsia... 因為佢好多時都會推D勁抵優惠, for你一年前買定機票~

 

而我... 上年佢一推, 我就不顧一切, 唔理有無假放, 總之平到笑既情況下入貨~

 

今次... 來回機票, 連行李... 兩條友仔HK$2000有找... 去台灣都唔得啦~

 

不過, 有風險架... 如果你到時有任何原因要取消行程既話... SORRY, 閣下自理~

 

 



一到步, 那那聲去check-in先...

 

今次我地住Grandis Hotels & Resorts, 位置非常市區, 非常方便, 非常低價, 仲要非常新... 我去到, 佢仲未完全開業, 有D樓層都仲埋緊尾做緊裝修... 聽講四月尾先正式開業... 即係, 我去做白老鼠~

 

一入到房... 嘩... 夠大喎... 有時去旅行, 唔係下下都要比好多錢先住到又大又企理既房架~

 

 

 



個view仲要幾唔錯喎...

呢間真係超方便... 無論我去搭船出島, 去食佑記肉骨茶, 味雅海南雞, 富源食kaya多士拉茶... 都十分方便, 行一陣就到... 而且隔離有個好大好新既Shopping Mall - Suria, 重點唔係Shopping, 而係佢上面有間大型戲院... 正所謂去KK, 唔去睇戲就蝕本啦!!

KK睇既戲, 分分鐘快過香港上畫, 港產外國大型製作既都有得睇, 戲院唔會差過香港, 一樣有中文字幕... 價錢只係香港既四分一... 唔睇對唔住自己呀!!

 

唔理你第一次定第N次去KK, 住Grandis包你唔會蕩失路&悶親~

Lobby有Tour Desk... 你可能隨心join local tour... 自由度極大~