遊記 - 點解我會去十次... 沙巴亞庇 (Day 1 - 紅樹林+再見螢火蟲)

放低行李... 向紅樹林出發!!

今次已經第二次黎啦... 我自己就黎過KK十次啫... 薛公子第二次咋... 無理由咩旅遊景點都未去過架~

住咗成兩個鐘頭車... 有下午茶食真係好啦~

炸香蕉? 我今次去KK既其中一個目的, 就係食炸香蕉... 真係好好味架~

不過... 好食既炸香蕉真係唔係周圍都有... 炸粉同香蕉好重要, 其中一part做得唔好, 就唔好食架啦~

而呢度既炸香蕉... 好好味... 個粉夠脆又唔厚, 而入面既香蕉生熟又啱啱好... 我好唔客氣咁食咗十條... 真係估唔到跟團既食物都咁有水準~

食飽飽... 出發去睇長鼻猴先~

見到啦見到啦... 不過, 你睇唔睇到? (發大D張相先~)

我部機真係有限公司... 邊夠隔離船個哥哥專業丫~

呢個近D... 放大再睇下先~

其實, 真係睇唔到呢隻長鼻猴... 唯有睇人地影既相啦~

睇到咁上下... 又開餐啦... 食完晚餐就去尋找螢火蟲~

最左邊果個辣醬, 好味到...... 真係好正, 自家制, 無得賣走...

跟團... 其實好多時都無啖好食... 但我今次去呢個紅樹林碼頭, 原來係幫我安排果間旅行社既私人碼頭... 好用心既食物... 我對食物要求都高... 話哂自己都開餐廳... 比總廚薛大哥搞刁咁個口... 講真要用好味去形容... 我下次真係會因為佢D炸香蕉&餐晚飯再黎呢個紅樹林...